Kryetari i Partisë Demokratike të Kosovë, Memli Krasniqi, i ka uruar kandidatët e subjektit që ai drejton të cilët kanë fituar në Zveçan dhe Zubin Potok në zgjedhjet e jashtëzakonshme në komunat veriore të vendit.
Përmes një postimi në rrjetin social Facebook, Krasniqi ka thënë se përkundër që procesi zgjedhor ka qenë i rregullt dhe i qetë, shqetësuese është pjesëmarrja e ulët e votuesve në zgjedhje.
“I uroj Ilirin dhe Izmirin për fitoret, por edhe Albulenën e Taulantin për angazhimin dhe punën e palodhshme në komunat ku garuan. Ndërkaq, falënderimi më i madh u takon të gjithë atyre qytetarëve të cilët edhe sot i besuan PDK-së, kandidatëve dhe ofertës tonë”, ka shkruar Krasniqi.
“Përtej kësaj, e rëndësishme është që procesi i sotëm ishte i rregullt dhe i qetë. Megjithatë, mbetet shumë shqetësues fakti që situata në pjesën veriore ka degraduar, gjë që u pa edhe nga pjesëmarrja e ulët e qytetarëve në zgjedhje”, ka thënë Krasniqi.
Tutje, i pari i PDK-së ka shtruar se partia e tij mbetet e përkushtuar dhe e vendosur për qeverisje gjithëpërfshirëse.
“Tani presim nga qeveria që të marrë obligimet dhe detyrat që i takojnë – për të zbatuar vullnetin qytetar dhe për të mundësuar konsolidimin e institucioneve në katër komunat e veriut. PDK mbetet e përkushtuar dhe e vendosur për të ofruar qeverisje gjithëpërfshirëse për të gjithë qytetarët, pa dallim. Ky ka qenë zotimi ynë – ky është edhe misioni ynë”, tha në fund Krasniqi./Arbresh.info/
Vikendi me diell, temperaturat shkojnë deri në 22 gradë Cels...
Bjellorusia e ndërpret ndërtimin e kampit ushtarak afër kufi...
Gjermania kërkon kontrolle shtesë për emigrantët
Problemet me gjumin tek personat që vuajnë nga artriti, ja d...
Mbi 29 000 emigrantë kanë kaluar La Manshin këtë vit
Hakerat kinezë synuan të marrin të dhëna nga telefonat e Don...